Ərdəbil əhalisinin Parlament təmsilçisi Azərbaycan xalqına başsağlığı verib
Ərdəbil, Nir, Nəmin və Səreyn əhalisinin İslami Şura Məclisində təmsilçisi höccətül-islam Kazim Musəvi erməni ünsürləri ilə qarşıdurmada Azərbaycan Respublikası hərbçilərinin bir neçəsinin şəhid olması münasibətilə bu ölkə xalqına başsağlığı verib.
Qafqaz Həqiqətləri xəbər verir ki, höccətül-islam Seyid Kazim Musəvinin başsağlığı məktubunda deyilir: “Azərbaycan Respublikası yüksək çinli hərbçilərinin erməni işğalçıları ilə qarşıdurmada şəhadət xəbəri məni bərk narahat etdi və kədərləndirdi.
Bu vasitə ilə Azərbaycan Respublikası xalqına başsağlığı verir və onlarla həmdərd olduğumu bildirirəm. Ümid edirəm ki, Azərbaycanın müsəlman xalqının müqaviməti ilə işğal edilmiş Qarabağ tezliklə azad olunacaq.
Seyid Kazim Musəvi
Ərdəbil, Nir, Nəmin və Səreyn əhalisinin İslami Şura Məclisində təmsilçisi
