Ərdoğan administrasiyası: Türkiyə Ukraynadakı münaqişənin uzadılmasının tərəfdarı olmayacaq

Türkiyə heç vaxt Ukraynadakı münaqişənin uzadılmasının tərəfdarı olmayacaq, baxmayaraq ki, bunu istəyən ölkələr var. 

bunu Türkiyə Prezidenti Administrasiyasının kommunikasiya şöbəsinin rəhbəri Fəxrəddin Altun İtaliyanın “Il Messaggero” qəzetinə müsahibəsində bildirib.

“Türkiyənin məqsədi istənilən şəraitdə ədalətli sülhün bərqərar olmasına töhfə verməkdir. Eyni zamanda, bu müharibəni mümkün qədər uzun müddət davam etməsinin onlar üçün faydalı olduğuna inanan tərəflər var. Onlar düşünürlər ki, müharibə uzansa, Rusiya zəifləyəcək və ukraynalıları yalnız müharibənin vaxtını uzada biləcəkləri qədər dəstəkləyirlər. Türkiyə heç vaxt onlardan biri olmayıb və olmayacaq. Biz sülhə inanmalı və bunun üçün çalışmalıyıq”, deyə Altun bildirib.