Türkiyə prezidenti Rəcəb Tayyip Ərdoğan kürdlərə xəbərdarlıq edib ki, əgər Ankara sərhədləri bağlamaq qərarına gəlsə, “kürdlər yeməyə heç nə tapmayacaqlar”
“Truth NGO” xarici mediaya istinadən xəbər verir ki, Ərdoğan, İraq Kürdüstanında keçirilən separatçı referendumdan sonra televiziyaya verdiyi müsahibəsində deyib: “Biz sanksiyalar tətbiq edəndən sonra onlar havadan asılı vəziyyətdə qalacaqlar. Biz neft kranlarını bağladığımız zaman, onlar üçün hər şey bitəcək. Onların istehlak malları almağa pulları olmayacaq, yük maşınlarımız İraqın şimalına getməyi dayandıracaq”.
Ərdoğan əlavə edib: “Sizin müstəqilliyinizi kim tanıyır? – İsrail. İsrail bütün dünya demək deyil. Başa düşməlisiniz ki, yellədiyiniz İsrail bayraqları sizi xilas etməyəcək”.
Həmid Türki
