Türkiyədə səfərdə olan ABŞ prezidentinin milli təhlükəsizlik üzrə müşaviri Con Bolton prezident Rəcəb Tayyib Ərdoğanla görüşə bilməyib.
Bununla bağlı Türkiyənin “Haber 7” nəşri məlumat yayıb.
Bu səbəbdən Boltonun səfəri gözlənildiyindən tez başa çatıb.
Səfər zamanı Bolton Ərdoğanın müşaviri İbrahim Kalın, MİT sədrinin müavini və digər şəxslərlə görüşüb. O, Türkiyədə hər hansı nazirlə görüşməyib.
Məsələ ilə bağlı jurnalistlərin suallarını cavablandıran Ərdoğan deyib ki, Boltonun türkiyəli həmkarı İbrahim Kalındır.
“Bu səfərdən sonra Trampla hər hansı görüş ola bilər”, – Ərdoğan əlavə edib.
