Türkiyə prezidenti Rəcəb Tayyib Ərdoğan bildirib ki, Zəngəzur dəhlizinin reallaşdırılması məsələsində heç bir problem görmür.

SalamNews xəbər verir ki, bu barədə “AA” məlumat yayıb. 

Türkiyə lideri xatırladıb ki, Avropa Siyasi Birliyinin Praqada keçirilən ilk iclası çərçivəsində Ermənistanın baş naziri Nikol Paşinyanla görüşüb. 

“Paşinyanın, Azərbaycan prezidenti İlham Əliyevin və Macarıstanın baş naziri Viktor Orbanın iştirakı ilə dar tərkibdə görüş keçirdik. Nümayəndə heyətlərinin iştirakı ilə də görüş keçirdik. Zəngəzur dəhlizi məsələsində heç bir problem görmürəm”, deyə Ərdoğan qeyd edib.