اردبيللي يازيچلار و صنعتكارلارينين كسكين اعتراضي بنيامين نتانياهونون آذربايجانا سفر ائتمه‌يينه گؤره
تاسف‌له دئمه‌لييك ايشغالچي اسرائيل آدلي اولكه‌نين باش ناظيرينين آذربايجان اؤلكه‌سينه سفر ائتمه‌يي ايرانليلاري هابئله دونيا مسلمانلاريني كؤوره‌لتدي. بو اوشاق اؤلدوره‌ن و صيونيزم جلادي، ايلل‌لر بويو فلسطين، غزه، لبنان و سوريه‌‌ده مسلمان قارداش باجيلاريميزين قانيني تؤكوب، تاخما بير اؤلكه‌نين تمليني قويما فيكرينده‌دير. بئله بيلديريك‌كي اسرائيل‌له ارتباط قورما شهيدلريميزين قانينا خيانت ائتمه حؤكمونده‌دير!
بوگونكي دورومداكي ايران اسلام دونياسينين تكجه نماينده‌سي اولاراق، تك باشينا غدار، ظالم و قان تؤكن صيونيزمين قاباغيندا دايانيب و مظلوم‌لاردان حمايت ائله‌ييب، آنجاق تاسف‌لركي بئله بير زاماندا ايشغالچي اسرائيل آدلي اولكه‌نين باش ناظيرينين آذربايجانا ـ قارداش و مسلمان اؤلكه ـ‌يه سفري بيزي تعجب‌لنديريب ناراحت ائله‌دي.
بيز اردبيل يازيچيلار و صنعتكارلاري، بو سفري محكوم ائديب، دئييريك‌كي اسرائيلين پارلمئنت رئيسينين دئدييينه گؤره ـ بيز ايرانا ضربه وورمايا گؤره آذربايجانلا ارتباط قوروماق فيكرينده‌ييك ـ آذربايجانا گلير تا بئله‌ليكه ايران اؤلكه‌سينده گؤرونن ايشلرده دخالت ائله‌يه يوخسا بو اؤلكه آذربايجان مسلمانلاريندان دا نيفرتي وار!
بيز بيلديرريك آذربايجان‌لي قارداشلاريميز غيرتلي، مومن و دوزگون شيعه اولاراق بو قوندارما رژيم‌له هئچ واخت ارتباط قورماييب اونونلادا موباريزه آپاراجاق!
