ATƏT-in Minsk qrupunun amerikalı həmsədri Ceyms Uorlik həmsədrlərin gələn həftə Avstriyanın paytaxtı Vyanada toplaşacaqlarını təsdiqləyib.C. Uorlik bu barədə Twitter hesabında yazıb.Amerikalı həmsədr qeyd edib ki, görüş aprelin 4-də baş tutacaq.O bildirib ki, görüşdə Dağlıq Qarabağ münaqişəsi zonasındakı təmas xəttində gərginliyin artması müzakirə olunacaq.Xatlırladaq ki, ATƏT-in Minsk qrupuna həmsədr ölkələr – Rusiya, ABŞ və Fransa ilə yanaşı, Ermənistan, Azərbaycan, Belarus, Almaniya, İtaliya, İsveç, Finlandiya və Türkiyə daxildir. |
