Türkiyə həbsxanalarında olan azərbaycanlıların sayı açıqlanıb.
qafqaz.ir-ın Türkiyə KİV-ə istinadən verdiyi xəbərə görə, bu barədə Türkiyə Ədliyyə Nazirliyi məlumat yayıb.
Nazirliyin verdiyi xəbərdə deyilir ki, ümumilikdə 3 milyon 500 min nəfər əcnəbinin yaşadığı Türkiyədə 120 ölkədən olan 7 min 897 əcnəbi məhkum var. Onlardan 171 nəfəri azərbaycanlıdır.
Nazirliyin xəbərinə görə, həbsxanalarda olan əcnəbilərin 40 faizini suriyalılar təşkil edir. Onların sayı 3102-dir.
Nazirlik həbslərin əsas səbəblərini də açıqlayıb. Bunlar əsasən narkotik maddələrin qanunsuz dövriyyəsi, terror və oğurluqdur. Adam öldürmə, yaralama, qəsb etmə, yağmalama, cinsi istismarla bağlı cəzalar da bu sıradandır.
