Azərbaycan və İranın yüksək rütbəli vəzifəlilərinin görüşü olub (Foto)

Məlumata görə, Azərbaycan Rspublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədrləri – iqtisadiyyat və sənaye naziri Şahin Mustafayev və İranın rabitə və yüksək texnologiyalar naziri Mahmud Vaezinin iştirakı ilə keçirilmiş görüşdə Azərbaycan tərəfdən Xarici İşıər və Nəqliyyat nazirliklərinin, Dövlət Gömrük Komitəsinin, DövlətSərhəd Xidmətinin, “Azərbaycan Dəmir Yolları” QSC-nin, İran tərəfdən isə müvafiq qurumların yüksək vəzifəli nümayəndələri, habelə sərhədyanı bölgələrin rəhbərləri iştirak ediblər.
Görüşdən əvvəl Azərbaycan və İran nümayəndə heyətləri Şimal-Cənub beynəlxalq nəqliyyat dəhlizinin bir hissəsinə baxış keçirib.

Sonra Astarada (İİR) davam etdirilən Azərbaycan və İran nümayəndə heyətlərinin görüşündə İqtisadiyyatvə Sənaye naziri Şahin Mustafayev dövlət başçılarının siyasi iradəsinə uyğun olaraq, iqtisadi əlaqələrimizin inkişaf etdiyini vurğulayıb.

Nazirin sözlərinə görə, dünən və bu gün keçirilən görüşlərdə müzakirə olunan məsələlər üzrə əsasən razılığa gəlinib.

Şahin Mustafayev Şimal-Cənub beynəlxalq nəqliyyat dəhlizinin qarşılıqlı əməkdaşlığın inkişafında xüsusi önəmini qeyd edərək nəqliyyat dəhlizinin daşımaların dəfələrlə artmasına imkan yaradacağını diqqətə çatdırıb.
Görüşdə Şimal-Cənub beynəlxalq nəqliyyat dəhlizi ilə bağlı görülən işlər ətraflı müzakirə edilmiş, Şimal-Cənub nəqliyyat dəhlizi ilə bağlı dəmir yolu xətlərinin əlaqələndirilməsi, Azərbaycan–İran sərhədində müvafiq infrastrukturun yaradılması istiqamətində tədbirlərin müzakirə edilməsi məqsədi ilə yaradılmış işçi qrupun hazırladığı təkliflər (Azərbaycan və İran ərazilərində sərhədyanı dəmir yolu xətlərinin çəkilməsi, sərhəd körpüsünün bigə tikintisi, habelə yükaşırma terminalının inşası) üzrə sənədlərin yaxın zamanlarda hazırlanması barədə razılığa gəlinib.

İranın rabitə və yüksək texnologiyalar naziri Mahmud Vaezi Ordubad-Marazad elektrik stansiyasının tikintisi müqaviləsinin yaxın vaxtlarda ratifikasiya olunacağını, Qız qalası-Xudafərin elektrik stansiyası barədə sənədin imzalanmasına dəstək göstəriləcəyini bildirib.
Bundan başqa, görüşdə Azərbaycan Rspublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının Tehranda keçiriləcək növbəti iclasındaAzərbaycan və İranın Xəzər limanlarının, gəmiçilik şirkətlərinin iştirakı və əməkdaşlığın genişləndirilməsinə dair müzakirələrin aparılması razılaşdırılıb.
Görüşün sonunda Azərbaycan Respublikası ilə İran İslam Respublikası arasında İqtisadi, ticarət və humanitar sahələrdə əməkdaşlıq üzrə Dövlət Komissiyası çərçivəsində Şimal-Cənub dəmir tolu bağlantısı üzrə işçi qrupunun iclasının protokolu imzalanıb.