Ayətullah Xamenei: “Şəhadət arzulayanların sıraları artmaqdadır”

İran İslam İnqilabının Ali Rəhbəri başsağlığı mesajı verib

 İslamazeri.az-ın “İRİB”-ə istinadən verdiyi məlumata görə, İran İslam İnqilabı Ali Rəhbəri Ayətullah Seyid Əli Xamenei general Həmədaninin şəhadətilə əlaqədar başsağlıı mesajı verib. İslam İnqilabı Rəhbərinin mesajında belə deyilir: “Bismilləhir-rahmənir-rahim. Dəyərli komandan Hüseyn Həmədaninin şəhadətilə əlaqədar möhtərəm ailəsinə, yaxınlarına, dostlarına, mübarizə yoldaşlarına və iftixar dolu İnqilab Keşikçilərəçiləri ordusuna təbrik və başsağlığımı çatdırıram. Bu yaşlı, səmimi və çalışqan mücahid öz təmiz gəncliyini islami vətəni və İslam Respublikasını müdafiə üçün şərəf və kəramət cəbhələrində və nurlu üzə malik bərəkətli ömrünün sonunda isə, islam düşmənləri qarşısında ismət və təharət məktəbi olan Əhli-Beyt məktəbinin yolunu qorumaq sahəsində keçirmişdir. Bu iftixar dolu cəbhədə Allah yolunda cihad uğrunda arzuladığı şəhadət mərtəbəsinə yetişdi. Allah-Təala onu öz rəhmətinə qərq etsin. İranda İslam İnqilabı Keşikçiləri ordusunda şəhadət arzulayanların sağlam təməllərə söykənmiş sıraları getdikcə artmaqdadır. فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا Onlardan kimisi şəhid olmuş, kimisi də gözləyir. Onlar verdikləri sözü əsla dəyişməzlər. Əhzab 33 Allahın rəhməti şəhid Həmədani və bütün haqq yol mücahidlərinə olsun”