Martın 29-da səhər saatlarında Qarabağın şimalında, Mardakert şəhəri yaxınlığında The HALO Trust təşkilatına məxsus avtomobil minaya düşüb, bu barədə “İnterfaks” agentliyi məlumat yayıb.
“Üç nəfər həlak olub, iki nəfər yaralanıb. Onların şəxsiyyəti və hansı ölkənin vətəndaşı olduqları dəqiqləşdirilir”, deyə agentliyin həmsöhbəti bildirib.
The HALO Trust Böyük Britaniya və ABŞ-da qeydiyyatdan keçmiş, münaqişə zonalarında minaların və partlamamış döyüş sursatların zərərsizləşdirilməsi ilə məşğul olan qeyri-kommersiya xeyriyyə təşkilatıdır.
