İslami Şura Məclisi sədrinin beynəlxalq məsələlər üzrə köməkçisi Əmir Abdullahiyan Türkiyə prezidentinə İran tarixini bir dəfə diqqətlə oxumağı tövsiyə edib.
Qafqaz Həqiqətləri xəbər verir ki, Əmir Abdullahiyan Türkiyə prezidentinin Bakıda keçirilən qələbə paradında Arazla bağlı şer oxumasına münasibət bildirərək öz Tvitter səhifəsində yazıb: “Cənab Ərdoğanın bu hərəkəti təəccüb doğurdu. Mənə elə gəlir ki, Türkiyə prezidenti özü nə dediyni bilməyib.”
Spikerin köməkçisi vurğulayıb: “Cənab Prezident Ərdoğan! Qonşuluq və işğalçılıq bir-birindən fərqlənir. Zəhmət olmasa, İranın, xüsusilə də İran İslam Respublikasının tarixini bir dəfə diqqətlə oxu.”
Cümə axşamı günü Azərbaycan Respublikası öz torpaqlarını Ermənistanın işğalından azad etməsi münasibətilə hərbi parad keçirdi. Paradda iştirak edən R. T. Ərdoğan İran və Azərbaycan Respublikası arasında axan Araz çayı barədə separatçı şer oxuyub. Şerin məzmunu Arazın iki sahilindəki azərilərin bir-birindən ayrı düşməsinə işarə edir.
