Separatçıların başçısı azərbaycanı sərbəst dolaşır
31-ci ildir ki, Azərbaycan Respublikası ərazisinin bir hissəsində qondarılmış separatçı rejimin başçısı Arayik Arutyunyan Kəlbəcər rayonunun Rusiyanın nəzarətində qalan Kolətək kəndindəki “Akopavank” adlanan məbədə baş çəkib. Bu haqda erməni nəşrləri məlumat yayıb.
separatçıların başçısı hətta sözü gedən abidənin təmir-bərpası üçün müəyyən vəsait ayrılmasına göstəriş verib.
“Akopavank” adlanan məbədi ziyarət zamanı Arayiki erməni apostol kilsəsinin Qarabağ eparxiyasının rəhbəri Vrtanes Abramyan müşayiət edib.
Mayın 5-dən həmin məbədə Xudavəng monastırının “keşiş”i olmuş Ovannes Ovannisyan baş keşiş təyin olunmuşdur.
O, 20 noyabr razılaşmasından sonrakı müddət ərzində Azərbaycanın Rusiyanın nəzarətində olan ərazilərindəki məbədlərdə erməni dindarlarına baş keşişlik etmiş işğal dövründə Kəlbəcər rayonunun keşişi olmuşdur. Ovannes Ovannisyan birinci Qarabağ müharibəsində də Azərbaycana qarşı vuruşub, oğulları ilə bərabər 2016-cı ilin aprel savaşında da iştirak edib…
44 günlük savaş nəticəsində Kəlbəcərdən ermənilərin çıxmalı olduğu zaman, yəni 2020-ci ilin noyabrında isə bu keşiş Ovannes Ovannisyan əlində avtomat “Erməni xaçkarlarına toxunmayın. Dadivank Azərbaycana verilməyəcək!” bəyan edərək deyib ki, o, məbədi tərk edən deyil, və onu sonadək qoruyacaq.
