Gürcüstanın paytaxtı Tiflis, Qardabani, Marnueli və digər rayonların şəhər və kəndlərində Qədir-Xum bayramı münasibətilə bayram tədbirləri keçirilib.

zilhiccə ayının 18-nə təsadüf edən Qədir-Xum bayramı münasibətilə Gürcüstanın paytaxtı Tiflisdə, Marnueli, Qardabani və Dmanisi rayonlarında məscidlər bayram tədbirlərinin şahidi olub.

Tbilisinin Poniçala qəsəbəsində yerli və ətraf məntəqələrdən dəvət olunan inanclı müsəlmanların iştirakı ilə mərasim təşkil olunub.

Bayram tədbirinə Gürcüstan Müsəlmanları İdarəsinin sədri höccətül-islam hacı Ramin İgidov da qatılıb.