ABŞ yüzlərlə yerli və xarici universitetlərlə yanaşı, özəl şirkətlər, dövlət qurumları, 8 min professorun şəxsi hesablarına daxil olan hakerlərlə bağlı araşdırmaya başlayıb.
Publika.az xarici mediaya istinadən xəbər verir ki, ölkənin Ədliyyə Nazirliyi tərəfindən hazırlanan iddianamədə, günahlandırılan 9 iranlının birbaşa İran hökumətinə bağlı və İran İslam İnqilab Keşikçilərinə xidmət etdiyi bildirilir.
İran İslam İnqilab Keşikçiləri ilə əlaqədə günahlandırılan 9 şübhəlinin ABŞ-da və xaricdə təxminən 320 universitetin kompüter sistemlərinə girmək və elm və mühəndislik araşdırmalarını oğurlamaq üçün kiber hücuma hazırlaşdıqları qeyd olunur.
