ABŞ-da haqsız yerə həbs edildikdən 11 gün sonra sərbəst buraxılan Haşimi İrana qayıdan kimi TV proqramlarından birində başına gələnləri danışıb.

Xanım Haşimi onu həbsxanaya aparanda hicabını başından çıxartdıqlarını və hicabsız şəklini çəkdiklərini və etirazlarına heç vaxt məhəl qoymadıqlarını bildirib.

“İslamazeri”nin verdiyi xəbərə görə, qaldığı kameranın qaranlıq və soyuq bir otaq olduğunu bildirən Haşimi, kamerada yalnız dəmirdən bir yataq olduğunu və adyal kimi örtəcək heç bir şey olmadığını, həbsxananın Hollivud filmlərində göstərildiyi kimi aydınlıq-günəşlik bir yer olmadığını qeyd edib.