Son günlər İsrailə təhdidlərə daha bir təhdid əlavə olunub, bu dəfə İran İslam İnqilabının Keşikçilər Korpusunun komandanının müavini General Səlami sionist rejimə xəbərdarlıq edib
qafqaz.ir İslamazeri.com-a istinada gore. İran mediasına istinadən xəbər verir ki, General-mayor pasdar Huseyn Səlami Tehranın bu həftəki cümə namazı xütbələrindən öncəki çıxışında İmam Hüseyn(ə)-ın mövludunun ildönümü gününü və pasdar gününü tərbik edəndən sonra ABŞ və İsrailə qarşı açıqlamaları ilə yadda qalıb.
“Biz sizi çox yaxşı tanıyırıq. Siz çox müdafiəsizsiz, heç bir dərinliyə malik deyilsiz. Siz bizim Beytul Müqəddəs (Qüds) əməliyyatı qədər ömə maliksiz. İşğal etdiyiniz torpaqların bütün nöqtələri şimal və qərbdən atəş altındadır. Sizin qaçmağa yolunuz yox və əjdahanın ağzında yaşayırsız”, -deyə general bildirib.
General-mayor pasdar Huseyn Səlami daha sonra deyib: “Müqavimət cəbhəsi əvvəlkindən daha güclü vəziyyətdədir. Yeni müharibələrin 2008 ilindəki və ya 33 günlük və 51 günlük müharibələr kimi olacağını zənn etməyin. Bu yalnış düşüncədir. Müqavimət cəbhəsi təkfirçilərlə müharibə etdikdə onları necə silib-süpürdüklərini gördünüz; siz onlardan güclü deyilsiniz.”
İranlı general İsrailin təhdidlərilə bağlı isə “Dinləyin, hər hansı bir müharibənin yaşanması, siz yox olmanıza səbəb olacaqdır, ən kiçik hədəf belə sizin varlığınızdır. Sizin dənizə tökülməkdən başqa qaçış yolunuz yoxdur. Havadan müdafiə sistemlərinizə də güvənməyin, çünki onlara əliniz çatmayacaq çoxdan vurulmuş olacaqdır.”, -deyə əlavə edib.
General Səlami sionist rejimə ABŞ, İngiltərə və Fransaya da güvənməməyə çağırıb: “ABŞ, İngiltərə və Fransaya güvənməyin, onlar gəldikdə siz olmayacaqsız, eyni bir şəxs öldüktən sonra təcili yardımın gəlməsi və sadəcə o şəxsi məzara götürməsi kimi olacaqdır. Buna görə deyirik ki, hərəkətlərinizə fikir verin. Təhlükəli hesablamalardan çəkinin.”
Qeyd edək ki, bu xəbər İsrail mediasının əsas manşetlərinə düşüb.
