“Leon” filmindən tanınan Natali Portman fələstinlilərə edilən zülmə etiraz olaraq İsrailə getməkdən imtina edib
Natali Portman İsrail rejiminin fəlləstinlilərə qarşı etdiyi zülmə etiraz olaraq İsrailə getməkdən imtina edib.
Qüdsdə dünyaya gələn, həm ABŞ, həm İsrail vətəndaşlığına sahib olan Natali Portman İsraildə reallaşacaq böyük mükafatlandırma tədbirinə getməkdən imtina edib. Natali Portman “2018 Genesis” mükafatına – “Professioanal sahələrdə mükəmməl və beynəlxalq şöhrətə malik şəxslərin üstün uğuru”- layiq görülüb.
Portmanın nümayəndəsi bu barədə belə açıqlama verib:“İsraildəki son hadisələrə görə çöx kədərlənib. Orada iştirak etməyi vicdanına sığışdırmır”. Portmanın bu hərəkəti İsrail rejimini həddindən artıq qəzəbləndirib. Dərhal hakimiyyətdə olan “Likuid” partiyasından qınama gəlib. Knesset üzvü Örən Hazan Knessetdə Natali Portmanın İsrail vətəndaşlığının ləğvini təklif edib.
