“Maarifçiliyə Dəvət” İctimai Birliyinin sədri Elçin Manafov polis tərəfindən saxlanılıb.
Bu barədə HEDEF14.az-a onun yaxınları tərəfindən məlumat verilib.
Məlumatda bildirilir ki, ruhani bu gün səhər saatlarında saxlanılıb.
Xatırladaq ki, ailəsi hacı Elçin Manafova dünən zəng edildiyini və hansısa güc strukturuna çağırıldığını bildirib.
Hadisənin Ramazan ayının son cümə günü ilə əlaqədar ola biləcəyi ehtimal edilir.
Belə ki, Ramazan ayının son cümə günü bütün dünyada Beynəlxalq Qüds Günü kimi qeyd edilir və zülmə etiraz, məzlumlara dəstək məqsədilə müxtəlif tədbirlər, aksiyalar keçirilir.
Azərbaycanda da analoji hadisələr öncəki illərdə baş verib və Qüds Günü əsasən İsrail səfirliyi qarşısında etiraz aksiyaları keçirilməsilə müşahidə olunub və dini-ictimai xadim Elçin Manafov sözügedən toplantılarda iştirak edib.
Qeyd edək ki, əməkdaşımız hacı Elçin Manafovla əlaqə saxlamağa çalışsa da telefonuna zəng çatmadı.
HEDEF14.az məsələni gündəmində saxlayır və yeni məlumat əldə edildikcə dərhal yayımlayacaq.
