Azərbaycan Tehranda “Dəmir yolları və xidmətlər” sərgisində təmsil olunacaq

Cari ilin mayın 15-də Tehranda “Dəmir yolları və xidmətlər” sərgisi keçiriləcək.

Sərgidə beynəlxalq yükdaşımalar və göstərilən xidmətlərə aid stendlər qurulacaq. Sərgidə iştirak edəcək dəmir yolları şirkətləri öz xidmətlərini təqdim edəcəklər.

İranın Yol və Şəhərsalma, Mədən və Ticarət nazirliklərinin eləcə də İranın Dəmir Yolları İdarəsinin təşkilatçılığı ilə keçiriləcək sərgiyə Rusiya, Almaniya, Çin, İtaliya, Türkiyə, İspaniya, Hindistan və başqa ölkələrin şirkətləri qatılacaqlar.

Sərgidə Azərbaycanı “Azərbaycan Dəmir Yolları” QSC təmsil edəcək.