İran İslam Respublikasının Azərbaycan Respublikasındakı səfiri Möhsün Pakayin Ayətullahil-üzma Nuri Həmədaninin səfərilə bağlı açıqlama verib
İran İslam Respublikasının Azərbaycan Respublikasındakı səfiri Möhsün Pakayin görkəmli din alimi Ayətullahil-üzma Nuri Həmədanini İrana yola saldıqdan sonra açıqlama verərək Azərbaycan Respublikasının dövlət rəsmiləri və xalqına, xüsusilə də Şeyxül-İslam Allahşükür Paşazadəyə Ayətullahil-üzma Nuri Həmədanini layiqli şəkildə qarşıladıqları və ev sahibliyi etdiklərinə görə öz təşəkkürünü bildirib: “Ayətullah Nuri Həmədani Azərbaycan Respublikasına səfərini Allahın böyük lütfkarlığı adlandırmış, Azərbaycanın gözəl və səmimi xalqı və möhtərəm ruhaniləri ilə görüşündən razı qalmışdır”. Möhsün Pakayin Qafqaz regionunda böyük din alimləri və müctehidlərin olduğunu qeyd edərək deyib: “Azərbaycanın Lənkəran, Cəlilabad, Gəncə və Bakı kimi şəhərlərində böyük din alimləri və müctehidlər yaşamışdır. Lakin bu ölkə öz müstəqilliyini əldə etdikdən sonra Ayətullah Nuri Həmədani Azərbaycana təşrif gətirmiş ilk mərcəyi-təqlid alimi sayılır”. Səfir sözünün davamında böyük mərcəyi-təqlid alimləri, xüsusilə də İmam Xomeyni (rə) və İran İslam İnqilabının böyük rəhbərinin həqiqi İslamı dünyaya çatdırmaqda olan roluna işarə edərək deyib: “Azərbaycan Respublikasının şiələri də hər zaman mərcəyi-təqlid alimləri və ruhanilərə etimad göstərmiş, müctehidlər və mərcəyi-təqlid alimlərinin onların yanında olmasının bir çox fayda və xeyir-bərəkətlərə səbəb olacağına inanırlar”. Cənab səfir Azərbaycan və İran millətləri arasında mövcud olan qardaşlıq və dostluq əlaqələri, həmçinin son illər ərzində iki ölkənin siyasi, mədəni və iqtisadi münasibətlərinə toxunaraq Ayətullah Nuri Həmədaninin Azərbaycan Respublikasına səfərini iki ölkə arasında dini əlaqələrin daha da möhkəmlənməsinə səbəb olacağını vurğulamış və demişdir: “Hər iki ölkə bu fürsətin qədrini bilməli və dini sahədə fəaliyyət üçün mövcud olan münasib şəraitdən İslam birliyinin möhkəmlənməsi, İslamofobiya və təkfirçiliklə mübarizə sahəsində yetərincə istifadə etməlidir”. Möhsün Pakayin şiə mərcəyi-təqlid alimlərinin tarix boyu xalq kütləsi üçün qayıdış yeri olaraq azğınlıqlar qarşısında dayandığına toxunaraq sözlərini belə bitirib: “Qafqaz alimləri və müctehidləri uzun illər boyu anti-din Kommunizm rejimi qarşısında dayanaraq mübarizə aparmış və şəhid olmuşlar. Bu regionun xalqı İslamın yenidən dirçəlişini mərcəyi-təqlid və din alimlərinin fəaliyyəti sayəsində görür və bu baxımdan Ayətullah Nuri Həmədaninin Azərbaycana səfərinə xüsusi əhəmiyyət verirlər”
