21 Fevral 2022, 08:32 (GMT +4)

 B.Samid. Azərbaycan Respublikasının İran İslam Respublikasındakı səfiri Əli Əlizadə Urmiyaya səfəri çərçivəsində Ayətullah Xameneinin əyalət üzrə nümayəndəsilə görüşüb.

Azərbaycan Respublikasının səfiri bu barədə rəsmi tvitter hesabında yazıb.

Səfir İranın Qərbi-Azərbaycan əyalətinə səfəri çərçivəsində Ayətullah Xameneinin əyalət üzrə nümayəndəsi Seyid Mehdi Qureyşi ilə görüşdüyünü bildirib.

Səfir həmçinin əlavə edib ki, o bu səfər çərçivəsində Qərbi-Azərbaycan əyalətinin ostandarı Məhəmməd-Sadiq Mötəmədiyanla, Urmiya şəhər bələdiyyəsinin sədri Hüseyn Mehdizadə və sair rəsmilərlə görüş keçirib.

Qeyd edək ki, səfir bundan öncə Təbrizdə işgüzar səfərdə olub.