Bakının Xətai rayonunda, Köhnə Günəşli yaşayış massivində yanğın baş verib.
Hadisə şahidlərinin verdiyi məlumata görə, Suraxanı rayonu, Yeni Günəşli qəsəbəsinə yaxın, “Dərə” adlanan ərazidə məişət tullantıları, istifadəyə yararsız avtomobil şinləri və quru ot 200 kv.m sahədə yanıb, ətrafı qara tüstü bürüyüb.
Fövqəladə Hallar Nazirliyinin məlumatına görə, yaxınlıqdakı bağ əraziləri və tikililər yanğından mühafizə olunub. Yanğın saat 14:41-də yanğınsöndürənlər tərəfindən söndürülüb.
