Dünyanın hər bir yerində olduğu kimi, vətənimizdə də müsəlmanların 1-ci imamı həzrət Əlinin (ə) mövlud günləri böyük şövqlə qeyd olunub
Bu həftə əzində dünyanın əksər müsəlman ölkələrində əmirəlmominin Əli ibni Əbu-Talibin (ə) mövlud (doğum) günü münasibəti ilə müsəlmanlar bayram tədbirləri keçirildi.
İslamazeri.az-ın verdiyi xəbərə görə, aprelin 22-də Bakının Biləcəri qəsəbəsində mübarək mövlud münasibətilə bayram tədbiri keçirilib.
Tədbir müqəddəs Qurani-Kərimin tilavəti və dövlət himnimizin ifası ilə başlanılıb.
Sonra ilahiyyatçı alim Hacı Fariz Xamədli çıxış edərək İmam Əli (ə) haqqında söhbət edib.
Daha sonra “Muminun” ilahi nəğmələr qrupunun ifasında biri-birindən gözəl ilahilər səsləndirilib. Məclisdə, həmçinin şair Vuqar Biləcəri də həzrət Əlinin (ə) şəninə yazılmış qəzəllər səsləndirib.
Məclisin sonunda təşrif buyuran 300-dən artıq qonaq üçün nəzərdə tutulmuş ehsan süfrəsi açılıb, tədbirdə iştirak edən Əli adlı hər kəsə hədiyyələr paylanılıb.
