Bu gün İmam Həsən Əsgərinin (ə) şəhadəti günü və Həzrəti Məhdinin (ə.f) imamət dövrü başlayan gündür.
Cenubnews.com İnternet Qəzeti xəbər verir ki, on birinci İmamımız Həzrət Həsən Əsgəri (ə) hicrətin 232-ci ilində anadan olmuşdur. Atası onuncu İmam Həzrət Əliyyən-Nəqi (ə), anası isə Hüdeysə (bəzi mənbələrdə Süsən) xanım olmuşdur.
O Həzrətin digər məşhur ləqəblərindən Nəqi, Zəki, künyəsi isə Əbu Məhəmməd olmuşdur. İmam 22 yaşında ikən imamətə yetişmiş, h.q təqvimi ilə 260-cı ildə, rəbiul-əvvəl ayının 8-də 28 yaşında Mötəmid Abbasinin əli ilə şəhid edilib. Bununla da İslamda Zəmanə Sahibi 12-ci İmam Həzrət Məhdinin (ə.f) imamət dövrü başlayır.
