Rusiya, İran və Azərbaycan prezidentləri Soçidə görüşəcək

qafqaz.ir -nin İslam-Today-a istinadən verdiyi xəbərə görə, bu haqda Şimali Qafqaz işləri üzrə nazir Serqey Çebotarev Tehranda keçirilən “İran və Şimali Qafqaz: əməkdaşlığın tarix və perspektivləri” konfransın açılışında bildirib.

“Biz bu görüşə ümid edirik və ondan yaxşı nəticələr gözləyirik”, – deyə Çebotarev qeyd edib.

Onun sözlərinə əsasən, üç ölkənin liderləri, digər məsələlərlə yanaşı, Azərbaycan vasitəsilə Rusiyayla İranı birləşdirən “Şimal – Cənub” nəqliyyat dəhlizinin inkişafını müzakirə edəcəklər ,

Xatırladaq ki, “Şimal – Cənub” layihəsi Şimali Avropanı Cənub-Şərqi Asiyayla bir araya gətirməyə., həmçinin Azərbaycan, İran və Rusiyanın dəmir yollarını birləşdirməyə hesablanıb.