Ermənilər işğal olunmuş Azərbaycan ərazilərində yeni su elektrik stansiyası (SES) inşa ediblər. APA-nın erməni KİV-lərinə istinadən verdiyi məlumata görə, bu günlərdə Laçın rayonu ərazisində inşa edilmiş «Syünik-4» adlı kiçik SES işə salınıb.
«Netrino» Səhmdar Cəmiyyəti tərəfindən inşa olunmuş stansiyaya Dağlıq Qarabağdakı separatçı rejim tərəfindən 15 illik lisenziya verilib.
Qeyd edək ki, bu, işğal olunmuş Azərbaycan ərazilərində ermənilərin son illərdə inşa etdikləri səkkizinci kiçik SES-dir.
