Azərbaycan Premyer Liqasının autsayderi olan komanda paraqvaylı Xulio Sezar Rodriqes Ximenes və Fil Dişi Sahilindən olan İsmael Beko Fofana ilə anlaşıb.
Hər iki hücumçu ilə 6 ay + 1 illik müqavilə bağlanılıb. 28 yaşlı paraqvaylının son klubu ölkəsinin “Deportivo” (Kapyata) klubu olub. O, Avropada ilk legioner karyerasını Azərbaycanda yaşayacaq.
30 yaşlı afrikalı isə son olaraq Serbiyanın “Voyvodina” klubunda legioner həyatı yaşayıb. Onu da bildirək ki, Beko Fofana 2012-ci ilin yanvarından 2013-cü ilin yayınadək Ermənistanın “Şirak” klubunda oynayıb. O burda Ermənistan kubokunu qazanıb və yerli çempionatda 15 qola imza atmaqla ən məhsuldar karyerasını nümayiş etdirib.
Daha sonra Çempionlar Liqasının II təsnifat mərhələsində Serbiyanın “Partizan” komandasına qarşı keçirdiyi gözəl oyuna görə Belqrad klubuna trnafser olunub.
