Gəncə şəhərinin bir qrup ruhanisi son olaylarla bağlı bəyanat yayıb
Son zamanlar ölkədə islami cameəyə qarşı yaradılan süni problemlərlə bağlı Gəncə şəhərinin bir qrup ruhanisi öz etirazlarını bildiriblər
İslamazeri.az-a göndərilən bəyanatda deyilir:
“Bismilləhir-Rahmanir-Rahim
Allah Təala Qurani-Kərimdə buyurur: “Haqqa batil donu geydirməyin və bilə-bilə haqqı gizlətməyin..”(Bəqərə 42)
Son zamanlar Azərbaycanda baş verən islamafobia bütün vicdanlı şəxslər kimi bizləri də narahat etməyə bilməzdi. Məxsusən də Gəncə şəhərində Aşura günü inanclılara qarşı hüquq-muhafizə orqanlarının qanundan kənar davranışları və həmin gün Gəncədə və Azərbaycanın bəzi regionlarında məscidlərin bağlanması eləcə də bu son günlərdə bəzi TV kanallarda Azərbaycan ruhaniyyətinə və inanclılara qarşı bu cür böhtanların, iftiraların atılması və yalan dolu xəbərlərin Azərbaycan ictimaiyyətinə çatdırılması, 90 faizi müsəlman və cəfəri məzhəbinə malik olan bu xalqa xəyanətdən başqa bir şey deyil. Bizlər də öz növbəmizdə bu yalanları və inanclılara qarşı atılan səhv addımları məhkum edirik.
