Dünən Ermənistan silahlı qüvvələrinin bölmələri tərəfindən atəşkəs rejiminin kobud şəkildə pozulması nəticəsində düşmənlə atışmada şəhid olan Azərbaycan Ordusunun əsgəri, 23 yaşlı İbrahim Möhsüm oğlu Manafov bu gün doğulduğu Neftçala rayonunun Bankə qəsəbəsindəki “Seyidlər” qəbiristanlığında dəfn olunub.
FaktXəbər-in məlumatına görə, İbrahim Manafovun 2014-cü ilin avqust döyüşləri zamanı tələbə olarkən yazdığı status sosial şəbəkələrdə yenidən paylaşılıb. O, yazırdı: “Müharibə qaçılmazdır və hər bir Azərbaycan vətəndaşının da borcudur… Mən də bunu özümə Qarabağ müharibəsi barədə eşidəndən borc bilmişəm və borcumu mütləq qaytarmalıyam… Allah bizi şəhidliyə layiq bilsin, inşallah!”.
.jpg)
