Konstitusiya Məhkəməsinin sədri Fərhad Abdullayevə
İnsan hüquqları üzrə müvəkkili Elmira Süleymanovaya
Ədliyyə naziri Fikrət Məmmədova
Bələdiyyələrlə iş mərkəzi Mehdi Səlimzadəyə
Baş prokuror Zakir Qaralova
Dövlət Torpaq və Xəritəçəkmə Komitəsinin sədri Qərib Məmmədova
Tovuz Rayon İcra Hakimiyyətinin başçısı Tofiq Zeynalova
Tovuz Rayon Dondar Quşçu bələdiyyəsi Hicran Vəliyevaya
Tovuz Rayon DT və XK-nin sədri Firdovsi Hümbətova
Dövlət Əmlakının Dövlət Reyestri Xidmətinin rəisi Eldəniz
HÖRMƏTLİ CƏNAB PREZİDENT!
Mən 2009-cu ildə Tovuz rayon Dondar Quşçu bələdiyyəsindən torpaq aldım. 425 manat dövlət rüsumu olan torpağı sabiq bələdiyyənin sədri Aslan mənə 2400 manata satdı. Əlimdə kadastrım olduğu halda bu günə qədər torpağımda ev tikə bilmirəm. Bələdiyyəyə, İcra başçısına, Daşınmaz əmlak komitəsinə, təkrar-təkrar müracət etməyimə baxmayaraq mənim hüquqlarımı qoruyan yoxdur. Daşınmaz əmlak komitəsi,kadastrımı alıb əvəzində torpaq haqqında sənəd verməli idi. Ancaq onların göndərdiyi işçini Mahir Cəfərobun bacısı və arvadı üz-gözünü cırıq-cırıq etdilər. Mahir özü də protezini adamın başına çırpdı. Mahir qarabağ müharibə veteranı əlilidir. Erməninin ərazisində şalban oğurlayanda minaya düşür və müharibə veteranı adı alır. Mən şəxsən özüm şahidi olmuşam. Sabaha qədər onun qapısından şalbanı daşıdılar ki, mahirin şalban oğurladığını bilməsinlər. Kiçik kənddi bura. Kim-kimdir hamı bilir. Hətta daşınmaz əmlakdan gələn adam da dedi ki, – Ə şalban oğrusu müharibə veteranı hökümət sənə ev, maşın, torpaq verib, daha nə istəyirsən?
Daşınmaz əmlakda isə hüquqşünas Famil, Akif Məmmədov və bələdiyyənin sədri Hicran mənə dedilər ki, get ver məhkəməyə. Ancaq onlar mənim ağzımı daşlığa salmaqdansa gedib polisdən onların qorumasını təmin edilməsini istəməliydilər. Beləliklə mən savadsız qadını ələ saldılar. Axı kadastr hüquqi sənəd deyil. Onu məhkəmədə ləğv etmək olmaz. Ancaq daşınmaz əmlakın sənədi ilə məhkəməyə müraciət edə bilərdim.
Hüquqşünas Familin işini bilməməsi bir tərəfə qalsın üstəlik mənim adımdan iddia ərizəsi də yazdı. Mənə də qol çəkdirdi. Mən bu günə qədər latın əlifbası ilə yazıb oxuya bilmirəm. Məhkəmədə sənədlərə baxanda görmək olar. Qalan sənədləri də bələdiyyənin sədri Hicran hazırladı.
Tovuz rayon məhkəməsində də işə baxıldı. Əraziyə gələn Könül Məmmədov Mahirin də sənədinə baxıb dedi ki,- a Mahir bura sənin ərazin deyil ki. Bundan nə istəyirsən.
Lakin buna baxmayaraq məhkəmədə işi Mahir Cəfərovun xeyrinə həll etdilər.
Mən 2013-cü il noyabrın 1-i təkrar icra başçısı Tofiq Zeyanalovun qəbulunda oldum. Tofiq Zeyanlov dedi ki, gedin Daşınmaz Əmlak komitəsinə orada ərizənizi verin torpaq haqqında sənədinizi alın. Mən DƏK-də rəis Eldəniz müəllimin yanında oldum. O, sənədimizi qəbul etmədi. Dedi ki, gedin məhkəmənin qərarını ləğv etdirin sonra. Eldəniz müəlim Hüquqşünas Famili və Akif Məmmədovu da çağırtdırdı. Akif də dedi ki, ay Famil bütün bu işçiləri edən icra başçısı deyilmi. O məhkəməyə zəng vurub demədi ki, işi əlilin xeyrinə həll edin? İndi bizdən nə istəyir. Bacısı məhkəmə günü gedib onun otağında nə deyib bilmirəm, allah bilir nə qaranlıq işləri var idi ki, Mahirin tərəfini saxladı. Yoxsa bir belədə gözgörəsi haqsızlıq olar. Mahirin sənədi var? Məhkəmədə mənə vəkil verməli idilər. Vəkilim olmadan məhkəmə aparıldı.
Hörmətli cənab Prezident. Məhkəmədə mənə vəkil verməli idilər. Vəkilim olmadan məhkəmə aparıldı. Ali məhkəməyə müraciət etdim. Burada bələdiyyənin sədri Hicran dedi ki, Fatma nahaq gedirsən, başçı zəng elətdirib uduzacaqsan. Tovuz rayon məhkəməsinin qərarı olduğu kimi qalacaq. Həqiqətən də elə oldu. Mənim tutduğum vəkil də gəlmədi. Dedi ki, Tovuzdan zəng gəlib, b u iş mahirin xeyrinə həll olmalıdır.
Hörmətli cənab Prezident. Mən tək qadınam. Başçının sözü qanundur. Kəsdiyi başın sorğu-sualı yoxdur. Mən vəzifəsindən sui-istifadə edib kasıbın axrıncı çörəyini, balalarımın torpağını əlindən alan başçıya gücüm çatmaz.
Mənim ümidim göydə Allaha yerdə Sizədir. 4 ildir ki, mənə zülm edirlər. Ancaq mən yenə də Sizə səs verdim oğlanlarımla. Mən Sizə inanıram. İnanıram ki, mənim balalarımı küçədə qoymazsınız. Allah Sizi bizim xalqın başından əskik eləməsin. Yoxsa yerlərdə bu dövlət məmurları qanımızı içər.
Hörmətlə,
Tovuz rayon Dondar Quşçu kənd sakini Fatma Məmmədova
Qoşma 18 vərəqdə
əlavə, 1 disk
1)Tovuz rayonunda rüşvət qanunu boğdu. 2)Şəhid Müşviqə şəhid adı verilmədi
Ünvan: Tovuz Rayonu, Dondar Quşçu kəndi.
