İran kəşfiyyatı MKİ və Mossad-ın casus şəbəkəsini ələ keçirib
Tehran Prokurorluğu ABŞ-ın Mərkəzi Kəşfiyyat İdarəsi və İsrailin xüsusi təhlükəsizlik xidmət orqanı Mossada işləyən casus şəbəkəsi haqda məlumat verib.
Tehran şəhərinin Prokurorluğu bildirib ki, ölkə ərazisində ətraf mühit işçiləri kimi faliyyət göstərən bir qrup şəxsin MKI və Mossad-a casusluq etməsi müəyyənləşib.
Tehran Prokurorluğunun saytında gələn məlumata görə, prokuror Abbas Cəfəri Dövlətabadi bildirib ki, şəbəkənin casusları MKI və Mossad zabitlərinin istiqamətləndirməsi ilə 3 növ məmuriyyəti həyata keçiriblər ki onlardan biri də ölkənin raketlər proqramı faliyyətlərinin izlənilməsi olub.
Qeyd edək ki, sözügedən casus şəbəkəsinin ələ keçən adamlarından biri İranda ətraf mühit sahəsi üzrə faliyyət göstərən Kavus Seyid-İmami adlı şəxs bir neçə gün öncə zindanda özünə qəsd edib.
