İran ordusunun baş qərargah rəisi Türkiyəyə səfər edib

İslaminSesi Anadolu Ajansı-na istinadla xəbər verir ki, İran Silahlı Qüvvələrinin baş qərargah rəisi general Məhəmməd Baqiri Türkiyəyə səfər edərək burada türkiyəli həmkarı general Huliusi Akarla görüş keçirib.

İran SQ-nin baş qərargah rəisinin şərəfinə fəxri qarovul dəstəsi düzülüb.

İki ölkənin SQ-nin baş qərargah rəislərinin görüşü mətbuata qapalı rejimdə keçirilib. İran SQ-nin baş qərargah rəisi Məhəmməd Baqiri bundan sonra Türkiyənin müdafiə naziri və prezidenti ilə də görüşlər keçirəcək.