Neft hasilat imkanlarının sanksiyalardan əvvəlki səviyyəyə çatdığını bildirən Höcəstə Mehr “Bu mühüm inkişaf sanksiyalar və iqtisadi təzyiqlər şəraitində baş verdi” -deyib. Bundan əvvəl İranın neft naziri Cavad Ovci ölkədə xam neft hasilatının sutkada 3,8 milyon barrelə çatdığını açıqlamışdı. Fars körfəzindəki Cənubi Pars təbii qaz yatağından gündəlik hasilatın 705 milyon kubmetrə çatdığını bildirən Ovci, bu il ixrac rəqəmlərini artırmağa hazır olduqlarını söyləyib.