Türkiyədən Suriyaya keçmək istəyən 17 nəfər həbs olunub. Publika.azxəbər verir ki, Türkiyənin Kilis valiliyinin yaydığı açıqlamada ikisi türk olan 17 nəfərin İŞİD-ə qoşulmaq üçün Suriya sərhədini keçərkən saxlanıldığı deyilir.
“Bölgəmizin Əlbəyli qəsəbəsinin Çıldıroba kəndindən qeyri-qanuni yollarla Suriyaya keçmək istəyən 17 İŞİD-çi saxlanılıb. Onlardan ikisi türk, 15-i isə əcnəbidir”, – deyə açıqlamada bildirilir.
Türkiyə mediasının yazdığına görə, saxlanılan əcnəbilərdən ikisi Azərbaycan vətəndaşıdır. Lakin həbs olunanların konkret kimliyi hələlik məlum deyil.
