“Xeber44.com” və “Cenubnews.com” internet qəzetlərinin təsisçi və baş redaktoru Araz Quliyev 17 Saylı CÇM-ə köçürülüb. Bu haqda İslamazeri.com-a qardaşı Azər məlumat verib. Məlumata görə, o 3 il Qobustan qapalı həbsxanasında (kriti) qaldıqdan sonra bir neçə gün öncə 17 saylı CÇM-nə aparılıb.
“Özü ilə danışdım. Hələlik karantindədir (iki gündür). Səhhəti, ruhiyyəsi yaxşıdır. Lakin hansı kopusa köçüləcəyini özü də bilmir.”, -deyə qardaşı Azər Quliyev bildirib.
Qeyd edək ki, “Xeber44.com” və “Cenubnews.com” internet qəzetlərinin təsisçi və baş redaktoru Araz Quliyev Masallıdakı konsert proqramlarını işıqlandırarkən saxlanılmış bir müddət sonra sərbəst buraxılsada, sonradan Masallı dindaralarının həbsi zamanı həbs olunaraq məhkəmə hökmülə 8 il cəza verilmişdi. Junalist Araz Quliyev hüquq müdafiə təşkilatları tərəfindən vicdan və siyasi məhbus kimi tanınır.
