Kərbəlada Ərbəin günlərində milyonlarla zəvvar arasında sıxlığın aradan qaldırılması məqsədilə yeni tunellər inşa olunacaq
Qafqaz.ir Maide.Az-a istinadla xəbər verir ki, İmam Hüseynin (ə) ziyarətgahında zəvvarların hərəkətini asanlaşdırmaq məqsədi ilə İmam Hüseynin (ə) hərəminin yaxınlığındakı bir sıra küçələrdə bir neçə tunelin inşasına başlanılıb.
Artıq birinci tunel, struktur baxımdan tamamlanıb və Əqilə Zeynəb (s.ə) səhni layihəsinin işləri ilə birlikdə tunelin də tikintisi həyata keçirilir. Bu tunel Əl-Şühəda küçəsinin sonundan İmam Hüseynin (ə) Qiblə küçəsinin ortasındakı Əllamə Əhməd bin Fəhd Əl-Hillinin ziyarətgahına qədər uzanır.
Bunun ikinci mərhələsi küçənin sonuna qədər uzanan hissədir ki, növbəti Ərbəin səfərin bitməsindən sonra işlərə başlanacaq.
