«Bu koalisiyanın əsas hədəf və tapşırıqları üzdədir: Onlar İblis Dövlətinin tam məhvinə və regionda sülhün bərqərarına mane olmağa cəhd edirlər», – deyə Kadırov özünün İnstagram səhifəsində yazıb.
«Bəzi ölkələr öz qoşunlarını (Suriyaya – red.) yeritmək və eyni zamanda aviahücumlara başlamaq niyyətləri barədə bəyan ediblər»,- deyə Çeçenistan rəhbəri vurğulayır. – «Suriya bildirir ki, Türkiyə artileriyası yaşayış məntəqələrini atəşə tutub. Eyni zamanda Səudiyyə Ərəbistanı Ərəb dünyasının 20-dən çox ölkəsinin HHQ və quru qoşunlarının iştirakı ilə öz tarixinin ən böyük hərbi təlimlərinə hazırlaşır. Məlumatlar var ki, Ərəb Krallığın hərbi bazalarından birinə texnika və şəxsi heyətin çatdırılmasına artıq başlanılıb».
Çeçenistan başçısı istisna etmir ki, bu Suriyada aktiv fəaliyyətə hazırlıqdır, HHQ və bir neçə ölkəin bölmələrinin bir hərbi plasdarmda istifadəsi isə böyük konfliktlərin, hətta silahlı qarşıdurmanın yaranmasına səbəb olacaq təsadüfi insidentləri yarada bilər.
Kadırov bununla əlaqədar olaraq beynəlxalq terrorla real müharibə əvəzinə özlərini koalisiya adlandıranların iştirakçıları arasında münasibətlərin aydınlaşdırılmasına başlanacağı barədə xəbərdarlıq edib.
«Müharibənin və Yaxın Şərqdə çevrilişlərin müəlliflərinin planlarına İŞİD-in tam məhvi və Bəşər Əsəd hökumətiinin möhkəmlənməsi daxil deyil, ancaq onlar oyunun şərtlərinin artıq Qərb və ABŞ tərəfindən diktə olunmadığı ilə barışmalıdırlar», – deyə Kadırov yekunlaşdırıb.
