Bu gün Bakı Ağır Cinayətlər Məhkəməsində “Müsəlman Birliyi” Hərəkatının İdarə Heyətinin üzvü Ağəli Yəhyayevə hökm oxunub. O, külli miqdarda narkotik maddənin qanunsuz dövriyyəsində ittiham olunur.
Yəhyayev ittihamları rədd edərək işi uydurma adlandırıb. Bu barədə fəalın yaxınları bildiriblər.
Məhkəmə onu 7 il azadlıqdan məhrum edbi.
Hökmdən Apellyasiya Məhkəməsinə şikayət veriləcək.
Yəhyayev 31 avqust 2023-cü ildə saxlanılıb. Növbəti gün ona qarşı Cinayət Məcəlləsinin 234.4.3-cü maddəsi ilə (külli miqdarda narkotik maddənin qanunsuz dövriyyəsi) ittiham irəli sürülüb. Məhkəmənin qərarı ilə barəsində həbs qətimkan tədbiri seçilib.
Hüquq müdafiəçiləri onu siyasi məhbus kimi tanıyıblar.
