Güləş üzrə Azərbaycan R. yığmasının sabiq üzvü Çamsulvara Çamsulvarayev İraqda öldürülüb.
Lent.az-ın verdiyi məlumata görə, Çamsulvara Çamsulvarayev, İraqa getdikdən sonra adını dəyişib və “Al Bara” adını götürüb. Çamsulvarayevin öldürülməsini İngiltərənin IHS Analitik Mərkəzinin eksperti Coanna Paraşuk da təsdiqləyib.Məlumatda o da deyilir ki, Çamsulvara Dağıstandan olan başqa bir yaraqlı, “Əbu Zeyd” ləqəbli Məhəmməd Əhmədovla birgə öldürülüb.
Azərbaycan Güləş Federasiyası İraqda İŞİD-in tərkibində öldürülən güləşçi ilə bağlı açıqlama verib. Federasiyanın mətbuat xidmətinin rəhbəri Mayis Musayev bildirib ki, Ç.Çamsulvarayevin İraqda İŞİD-in tərkibində döyüşməsindən məlumatsız olublar.
