ArxivXəbər lentiXəbərlər
Martda Azərbaycan, Gürcüstan, Türkmənistan və Rumıniya XİN rəhbərlərinin görüşü olacaq
Martın 4-də Buxarestdə Azərbaycan, Gürcüstan, Türkmənistan və Rumıniya XİN rəhbərlərinin dördtərəfli görüşü olacaq. Bu barədə Azərbaycan xarici işlər nazirinin müavini Mahmud Məmmədquliyev Aİ Şurasında Rumıniyanın sədrliyinə həsr olunmuş tədbirdə bildirib.
O qeyd edib ki, görüş “Xəzər dənizi -Qara dəniz” nəqliyyat dəhlizi layihəsinə həsr olunacaq.
4 ölkənin XİN rəhbəri ilk dəfə belə formatda görüşəcək.
Bundan öncə ötən ilin oktyabrında Aşqabadda 4 ölkə ekspertlərinin “Xəzər dənizi – Qara dəniz” nəqliyyat layihəsi üzrə görüşü keçirilib.
