Qonşu ölkədə 74 nəfərin ölümünə səbəb olan terrorçu məhv edildi
Dağıstanda öldürülən silahlı “Qafqaz İmarəti” qruplaşmasının yerli qolunun başçısı olub
İslamazeri.az-ın verdiyi xəbərə görə, Dağıstanda öldürülən silahlı Rüstəm Aselderov “Qafqaz İmarəti” qruplaşmasının yerli qolunun başçısı olub.
APA-nın “RİA Novosti”yə istinadən verdiyi xəbərə görə, bu barədə Rusiya Federal Təhlükəsizlik Xidmətinin saytında bildirilir.
Məlumata görə, hadisə yerindən çoxlu sayda silah-sursat götürülüb.
Polis və dinc sakinlər arasında yaralanan olmayıb.
Rüstəm Aselderovun Rusiya ərazisində törədilən bir çox terror aktlarının təşkilatçısı olduğu bildirilir. R.Aselderov Həştərxan-Mahaçqala yolunda 40 nəfərin ölümü və 100-dən çox adamın yaralanması ilə nəticələnən terror aktını hazırlayıb. O, həmçinin 2013-cü ilin dekabrın sonunda Volqoqradda dəmir yolu vağzalı və trolleybusda 34 nəfərin ölümü və 78 nəfərin yaralanması ilə nəticələnən partlayışların təşkilatçısı olub.
