Gürcüstan tərəfindən İran üçün təyin olunmuş viza bu gün, fevralın 15-dən etibarən ləğv olunub. Bu haqda jurnalistlərə İranın gürcüstandaki səfirinin müavini Mohsen Kebrayi deyib. Səfir müavini qeyd edib ki, Gürcüstanınn İrana viza tətbiq etməsi hər iki ölkə arasındaki iqtisadi əlaqələri ləngitdi.
“Ümumiyyətlə iqtisadi əlaqələr xalqlar arasında azad gediş-gəliş olduğunda inkişaf edir. Bu zaman sərmayəçi də azad gəlir və istədiyi sahəyə pul yatırdır, iqtisadi fəaliyyətə başlayır. Vizanın ləğvi Gürcüstan-İran arasındaki ticarət dövriyyəsində öz əksini tapdı. Əgər 2012-13-cü illərdə ticarət dövriyyəsi 200 milyon dollar civarındaydısa, bu gün heç 130 milyon da deyil. Lakin bunu düzəlməsi mümkün işdir. Gürcüstan və İran ticarət dövriyyəsini artırmağa qadirdilər” – dedi Mohsen Kebrayi.
