“Müsəlman Birliyi Hərəkatı” məsələ ilə bağlı monitorinqə başlayıb
Sentyabr ayının 15-də Azərbaycandakı orta məktəblərdə və universitetlərdə yeni təhsil ilinə başlanıldı. Hər il olduğu kimi bu il də hicab qadağasının bəzi təhsil ocaqlarında tətbiq olunduğu xəbərləri gündəmə gəldi. Hicablı şagirdlərin və tələbələrin valideynlərinin şikayətlərinin ünvanlanması üçün artıq qaynar xətt də yaradılıb. Bu barədə azadxeber.az-a “Müsəlman Birliyi Hərəkatı”nın idarə heyətinin üzvü Nahid Qəhrəmanlı məlumat verib: “Bildiyiniz kimi, ölkədə hələ də süni hicab qadağası yaradan təhsil ocaqları var. Biz “Müsəlman Birliyi Hərəkatı” olaraq ölkədə süni hicab qadağası yaradan təhsil ocaqları ilə bağlı qaynar xətt yaratmışıq. Bu qaynar xəttə çox saylı müraciətlər daxil olub. Apardığımız araşdırmalar nəticəsində aydın olur ki, hicab qadağası tam olaraq heç də öz həllini tapmayıb. Düzdür bəzi təhsil ocaqlarında problem həll olunsa da, bunu bütövlükdə hər təhsil müəsisəsinə aid etmək olmaz. “Müsəlman Birliyi Hərəkatı” olaraq bu problemin həll olunmasında əlimizdən gələni etməyə hazırıq. Əgər hansısa təhsil ocağında belə bir problem yaranarsa bizə müraciət etməyiniz xahiş olunur. Əlaqə nömrəmiz (070) 290 79 79 və (055) 563 79 79-dur”.
