“Rusiya təcili qaydada Gümrüdəki 102 saylı hərbi bazasına yeni qüvvələr cəlb edir. Təkcə dekabr ayı ərzində Cənub Hərbi Dairəsindən 13 ədəd hərbi vertolyot Gümriyə gətirilib”.
AzVision.az xəbər verir ki, bu barədə Rusiyanın “Arqumentı Nedeli” qəzeti məlumat yayıb.
Qəzetdə dərc olunan “Yanvarda Qarabağda müharibə başlaya bilər” adlı məqalədə deyilir ki, Serj Sarqsyan sonuncu danışıqlardan sonra qorxuya düşüb və savaşın hər an başlaya biləcəyini deyərək, Kollektiv Təhlükəsizlik Müqaviləsi Təşkilatından kömək istəyib. Buna cavab olaraq Rusiya Gümri bazasının texniki və şəxsi heyətini artıraraq, ora yeni qüvvələr yerləşdirir.
