Samanyolu telekanalının rəhbərliyi teleserialları və verilişləri 1 həftəlik dayandırıb.
AzadXeber.az “Cümhuriyyət” qəzetinə istinadən məlumat verir ki, bir müddətdir elan və reklam almaqda çətinlik çəkdiyi ifadə edilən telekanal rəhbərliyi serial və proqramların yaradıcı heyətinə bir həftəlik məzuniyyət verib.
Sonuncu dəfə, Türkiyədə “Koza İpək Media Qrupuna” qəyyum təyin olunmasından sonra KİV-ə yeni qadağaların ediləcəyi gündəmə gəlmişdi. Baş verənlərin ardından “Samanyolu Tv” bütün teleserialları və proqramları dayandırmağı qərara alıb.
Qeyd edək ki, Samanyolu telekanalı Fətullah Gülənin lideri olduğu nurçu şəbəkəsinin idealogiyalarını təbliğ etməklə məşhurlaşıb.
