Rusiya prezidenti Vladimir Putin bəyan edib ki, Suriyada insanlar prezident Bəşər Əsədin hökumətindən yox, İŞİD terror qruplaşmasından qaçırlar.
Deyerler.org-un “RIA Novosti”yə istinadən verdiyi xəbərə görə, Putin qeyd edib ki, o, Suriya məsələsinə müxtəlif yanaşmaların mövcud olmasını bilir.
“Təbii biz bilirik ki, Suriyada baş verən hadisələrə müxtəlif yanaşmalar var. Yeri gəlmişkən qeyd edim ki, Suriyada insanlar onların yaşadığı əraziləri işğal etmiş İŞİD terror qruplaşmasından qaçırlar. Sadəcə İŞİD orda vəhşilik edir. Məhz, bu səbəbdən insanlar ordan qaçır”, – deyə o, bildirib.
