Qərb Ermənistanı məqsədli şəkildə tərifləyir
İrəvanın anti-Rusiya jesti Qərbi məmnun edib
Qərb Ermənistanı məqsədli şəkildə tərifləyir, onu Rusiya ilə qarşı-qarşıya qoyur.
Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Cosep Borrell X platformasında Paşinyan hökumətiin Roma Statutunu ratifikasiya etməsini alqışlayaraq iddia edib ki, bu addım Ermənistanın beynəlxalq hüquqa və insan haqlarının qorunmasına dair sadiqliyinə dəlalət edir.
Fransa Xarici İşlər Nazirliyi də Beynəlxalq Cinayət Məhkəməsinin Roma Statutunun ratifikasiya edilməsini alqışlayıb. “Beləliklə, Ermənistan BCM-nin Nizamnaməsinə üzv olan 124-cü dövlət olur”, – deyə nazirliyin bəyanatında vurğulanır.
Qeyd edək ki, Birləşmiş Millətlər Təşkilatının Hüquq Məsələləri İdarəsinin Müqavilə Departamentində keçirilən mərasimdə Beynəlxalq Cinayət Məhkəməsinin Roma Statutunun ratifikasiya sənədi Ermənistan tərəfindən bu quruma təhvil verilib.
