Azərbaycan respublikasının cənub bölgəsinin tanınmış ruhanilrindən Hacı Mirəziz Ağa Talıblı mart ayının 15-də vəfat edib. Mərhum mart ayının 16-da Cəlilabad rayonunda torpağa tapşırılıb.
Dəfn mərasimində ölkənin müxtəlif yerlərindən din xadimləri, ruhanilər, mərhumun şagirdləri və ətraf rayonlardan, o cümlədən Masallı ,Lənkəran, Yardımlı, Biləsuvardan mərhumu sevənlər iştirak ediblər.
Hacı Mirəziz Ağa Seyid Qüdrət oğlu Talıblı 1942-ci ildə Yardımlı rayonunun Böyük Şıxlar kəndində anadan olmuşdur.
1967-ci ildə Masallı rayonunun Çaxırlı kəndinə üz tutmuş Hacı Mirəziz Ağa 1971-ci ilədək orada “Şəraye” və “Şərhi-lümə” kitablarını Şeyx Rəhmətdən dərs almışdır.
Hacı Mirəziz Ağa 1971-ci ildən İslamın təbliği ilə məşğul olmuşdur.
Allah rəhmət eləsin!
