qafqaz.ir FaktXəbər-in verdiyi məlumata görə, Rusiya hərbçilərinə qarşı hücumlar hazırlayan “Təhrir əş-Şam” (keçmiş adı “Nusra cəbhəsi”) terror təşkilatının 5 səhra komandiri məhv edilib. Bu barədə ictimaiyyətə Rusiya Müdafiə Nazirliyinin rəsmisi general-mayor İqor Konaşenkov məlumat verib.
O, bildirib ki, aparılan kəşfiyyat əməliyyatları zamanı səhra komandirlərinin İdlib şəhərində keçirdiyi toplantının yeri və vaxtı məlum olub. Bundan sonra məkana avia zərbə endirilib.
Buna qədər 18 sentyabr tarixində Həma şəhərində xidmət aparan rusiyalı hərbçilərə terrorçular hücum etmişdi.
